Prologue Unfavored Wife Hindi kailanman naisip ni Alexandria De Guzman na ang araw ng kanyang kasal ang magiging simula ng pinakamasakit na yugto ng kaniyang buhay. Nakatayo siya noon sa harap ng altar, nakasuot ng puting bestida na parang pangarap, habang ang lalaking minahal niya nang buong buo Rhylle Victorio ay nakatingin sa kanya na para bang estranghero.Walang init.Walang ngiti.Walang kahit anong senyales na siya ang babaeng pinili ng puso nito.Kasal sila, oo. Pero hindi siya ang pinili.Madalas niyang maramdaman na parang bisita lang siya sa sariling bahay, anino sa sulok na tahimik lang na obserbador ng buhay ng asawa niya. Si Rhylle ay mabait, magalang, at responsable pero nananatili ito sa distansyang kay hirap abutin. Para bang may tabing sa pagitan nila, manipis ngunit imposibleng lampasan.At sa tuwing tititig siya sa mga mata nito, iisa lang ang tanong na paulit-ulit na kumakagat sa puso niya:Hanggang kailan ako magiging asawa sa papel, ngunit hindi sa puso?Kaya niya pang tiisin ang lamig. Kaya pa niyang tanggapin ang katahimikan. Pero minsan, kapag nag-iisa siya sa kwarto nilang malaki, sumisikip ang dibdib niya sa bigat ng mga salitang hindi masabi, sa pangakong hindi naibigay, at sa pag-asang unti-unting nalulumpo.Isang gabi, habang tahimik na nalalaglag ang ulan sa labas, narinig niya ang pagpasok ni Rhylle. Hindi niya alam kung bakit, pero tumayo siyang parang may kakaibang tapang na muling sumibol sa puso niya.“Rhylle…” mahina niyang tawag.Napalingon ito. Saglit lang. Pero sapat na iyon para makita niyang may kung anong pagod, lungkot, at unti-unting pagbuo ng pananalitang hindi nito kayang sabihin.At doon, unang pumasok sa isipan ni Alexandria ang ideya na hindi siya kailanman minahal ng lalaki……pero marahil, siya ang puwedeng magturo sa puso nitong magmahal muli.Hindi niya alam ang magiging wakas.Hindi niya alam kung may lugar siya sa mundong ginagalawan nila.Pero handa siyang manatili.Kahit masakit.Kahit siya ang hindi pinapaboran.Dahil minsan, ang pinakamalalim na pag-ibig ay nagsisimula sa pinakapayak na tanong“Paano kita mamahalin kung hindi mo ako makita?”